Il punt de la Madona

A butin zù i mures
del punt de la Madona,
duta la nustra storia
‘a ven di colp cancelada.
Su chel monumint
si ‘an poiàt e sintàt,
coma sizilis tai fii dela luce,
zovins e vecius, fazevin sera
spetant un lavoru
ca’ nol rivava mai.
Cuant ca’ passava un sior
saltavin in piè, giavant
Il ciapiel o la bareta,
i paris di fameia di Cordovat.
Su chei madons ‘an impiat,
strussant un fuminant,
l’ultima sigareta,
i nustris fantàs,
plens di voia di vivi.
Tancius no’ son tor nas
da la Grecia, Russia e Germanis.
Chei tornas ‘an poiàt la valis
un moment par zòra i mures,
prima di ciapà il treno, ca’
iù portava a lavorà
in ziru pal mond.
Su chel punt, i vin poiàt
li’ bicicletis
pàr zii a rozari e messa,
ta’ la glesia de la Madona …
e la sera dei foghi,
i fioi a si sburtavin
pa’ montà sora chei mures.
Punt de la Madona
sul Vial de la Stassion,
par nuatris di Cordovat
ti sòs important
coma il ciastiel.

Giuseppe Bagnariol