Quel fogoler - Curtis Vadi

QUEL FOGOLER

Quel fogoler, che meravèia.
Simbolo de union de famèia.
Che bela persona nona Maria,
stussigava il fogo, la fiama metteva alegria.
Cussì il viso e il davanti se scaldava,
invesse la schiena la se ingiassava.
Le faliscie, che beatamente le scìopetava,
perfin i oci i lagrimava.
Nona, con passion, una fugasseta ne preparava
e soto le bronse la cucinava;
tra do foie de verza la protegeva
cussì la so fragransa no la perdeva.
Ela, ghe meteva tuta la so bona atension.
Ma spesso, vigniva fora carbon!
Alora, per farla contenta,
se contentavimo anche de una crosta de polenta.
Se crede, che i tempi i resti sempre bei.
Cussì se sogna da putei.
Che ani benedetti!
Ma gerimo puoreti…
Puoreti nel vestir, puoreti nel pensar.

Carmen Zerial